ახალი ამბები

"საქმეს მიკერავთ!" - ბექა შენგელიამ პროკურორს ბოტასი ესროლა

გაზიარება:

პოლიციელის ავტომანქანაზე განზრახ დაჯახების ბრალდებით,  დაკავებულმა ბექა შენგელიამ პროკურორს, დავით ყაზარაშვილს სასამართლო პროცესზე ბოტასი ესროლა.

შენგელია წყობიდან მას შემდეგ გამოვიდა, რაც მოსამართლემ აღკვეთის ღონისძიების სახით პატიმრობა შეუფარდა. 

პროკურორმა დღეს სასამართლო სხდომაზე რამდენიმე გარემოებიდან გამომდინარე მოითხოვა ბექა და გიორგი შენგელიების მიმართ აღკვეთი ღონისძიების სახით გამოყენებული იყოს პატიმრობა. ბრალმდებელმა ერთ-ერთ არგუმენტად, ბრალდებულების წარსულში ნასამართლობა, მათი მიმალვის და მტკიცებულებების განადგურების საფრთხე დაასახლა, თუ მათ პატიმრობა არ შეეფარდათ. ამ არგუმენტებს უსაფუძვლოს უწოდებს დაცვის მხარე, ბრალდებულმა ბექა შენგელიამ სიტყვის უფლებით ისარგებლა და მან პოლიციელზე თავდასხმის ბრალდება კატეგორიულად უარყო. ასევე, აღნიშნა,  რომ 15 აპრილს, არ შესჯახებია პოლიციელის ავტომობილს და მოითხოვა ჩანაწერები, რომელიც ამ შეჯახებას ასახავს. 

განსხვავებული პოზიცია აქვს პროკურორ დავით ყაზარაშვილს, რომელიც ირწმუნება, რომ სწორედ ეს ადამიანები ემუქრებოდნენ პოლიციას ხელყუმბარის აფეთქებით. 

"ეს ადამიანები პოლიციას ემუქრებოდნენ ხელყუმბარის აფეთქებით. საპატრულო პოლიციის თანამშრომელი, რომელიც დაზიანდა და არის დაზარალებული მოცემულ სისხლის სამართლის საქმეზე დღესაც მკურნალობს. რაც შეეხება სისხლის სამართლის საქმეს, ამ საქმეზე მიმდინარეობს გამოძიება, ჯერჯერობით ბრალიო არცერთ მათგანს არ წარედგინა, თუმცა არსებობს ინფორმაცია, რომ სწორედ ერთ-ერთი ამ პიროვნების ჩადენილი არის დანაშაული ზუგდიდში,"- აცხადებს დავით ყაზარაშვილი. 

საქმის მასალების თანახმად, 14 აპრილს, მცხეთის ტერიტორიაზე ბექა შენგელია თავს დაესხა და მისი მართვის ქვეშ მყოფი ავტომობილი განზრახ დააჯახა საპატრულო პოლიციის თანამშრომლის, დავით მიქიაშვილის მართვის ქვეშ მყოფ ავტომობილს, რომელიც შეჯახების შედეგად ამოტრიალდა პოლიციელი კი დაშავდა.

კოდის განახლება
მარკეტინგი
DAYS.GE

თეგები