“ნაპოლიმ” “ბარსელონას” დაუსახელა თანხა, რომლის სანაცვლოდაც კვარაცხელიას გაყიდის

“ნაპოლიმ” “ბარსელონას” დაუსახელა თანხა, რომლის სანაცვლოდაც კვარაცხელიას გაყიდის

რამდენიმე დღის წინ ესპანურმა გამოცემებმა გაავრცელეს ინფორმაცია, რომ “ბარსელონას” “ნაპოლის” გარემარბის, ხვიჩა კვარაცხელიას შეძენა სურს.

Nacionalfutbol.es-ის ცნობით, “პარტენოპეი” ქართველი შემტევის სანაცვლოდ 74 მილიონ ევროს ითხოვს.

გამოცემა აღნიშნავს, რომ კატალონიური კლუბი ამ თანხის გადახდას ვერ შეძლებს და ზაფხულის სატრანსფერო ფანჯარაზე “ბარსელონას” სპორტული დირექტორი დეკუ “ნაპოლის” პრეზიდენტ აურელიო დე ლაურენტისთან მოლაპარაკებებს გამართავს.

შეგახსენებთ, დე ლაურენტისმა რამდენიმე კვირის წინ განაცხადა, რომ კვარაცხელიას ახალი კონტრაქტი უკვე შესთავაზა, თუმცა მისმა გარემოცვამ ამაზე საუბარი სეზონის დასრულების შემდეგ მოისურვა.

წყარო: sportall.ge

გთხოვთ გააზიაროთ სტატია