თამუნა მდივანის შვილის გარდაცვალებიდან 40 დღე გავიდა – „გპირდები, ისეთი ვიქნები როგორი თამუნაც გიყვარს, უბრალოდ დრო მჭირდება შენს მონატრებასთან ერთად ვისწავლო ცხოვრება!“

დრამისა და კინოს მსახიობ, ინფლუენსერ თამუნა მდივანს, 29 აპრილს ვაჟი გიორგი მდივანი გარდაეცვალა. გარდაცვალების მიზეზზე გარდაცვლილის ნათლია სოციალურ ქსელში წერდა და ამბობდა, რომ გიორგიმ ნასვამმა დაიძინა, ღამე ღებინება დაეწყო და გაიგუდა. სამწუხარო ამბიდან 40 დღე გავიდა. გიორგი მდივანის დედა, თამუნა მდივანი სოციალურ ქსელში  ემოციურ პოსტს აქვეყნებს:

„დე, ჩემო უსასრულო მონატრებავ! ჩემო უთბილესო, უტკბილესო და ნამდვილო ადამიანო!უფალს და ღმრთისმშობელს ებარებოდე! ჯერ ძალიან დაბნეული ვარ დე, მიჭირს მონატრებასთან გამკლავება, მაგრამ გპირდები,რომ უფლის შეწევნით, როგორი თამუნაც გიყვარს და მოგწონს ისეთი ვიქნები! უბრალოდ დრო მჭირდება რომ შენს მონატრებასთან ერთად ვისწავლო ცხოვრება! მიყვარხარ!“, – წერს თამუნა მდივანი.