„SLAVA UKRAINI“ – “დიდება უკრაინას“ ამ წარწერით სულ მალე ორევროიანი მონეტა გამოვა მიმოქცევაში. გადაწყვეტილება ესტონეთის ბანკმა მიიღო, რომელიც ახალი მონეტის მიმოქცევაში ჩაშვებას, წლის ბოლოს აპირებს, მაგრამ ის კოლექციონერებისთვის უკვე ზაფხულში იქნება ხელმისაწვდომი, ხოლო გაყიდვიდან შესული თანხა უკრაინის ბანკს გადაეცემა.
მონეტის შექმნის იდეა და დიზაინი დარია ტიტოვას ეკუთვნის, უკრაინელ ლტოლვილს ხარკოვიდან, რომელიც ამჟამად ესტონეთის სამხატვრო აკადემიაში სწავლობს და აღნიშნული პროექტით სპეციალურ კონკურსში გაიმარჯვა.
დიზაინზე გამოსახულია გოგონა, რომელსაც ხელში ფრინველი უჭირავს და ცდილობს დაიცვას ის. ასევე გამოსახულია თავთავი, უკრაინის სიმბოლო.
"უკრაინა იბრძვის თავისუფლებისთვის და ამ სიტუაციაში ყოველი ევრო მნიშვნელოვანია", - განაცხადა ესტონეთის ბანკის მმართველმა მადის მიულერმა.
პატრიარქი კირილი: რუსეთს არავის დაპყრობა და ოკუპაცია არ სურს
8-05-2022, 19:00
