ორჯერ ესროლა, ტელეფონი მოჰპარა და გაიქცა...“ - პაკისტანში TikTok-ის ვარსკვლავი მოკლეს

პაკისტანში, 22 წლის ბიჭი, ტიკ-ტოკ ვარსკვლავის, 17 წლის სანა იუსაფის მკვლელობის ბრალდებით დააკავეს. ახალგაზრდა კაცმა იუსაფის მკვლელობა აღიარა, - ამის შესახებ შესახებ „ბიბისი“ წერს.

პაკისტანის ხელისუფლების წარმომადგენლების განცხადებით, უმარ ჰაიათმა სანა იუსაფი მას შემდეგ მოკლა, რაც გოგომ მას ვირტუალურად „მეგობრობის შეთავაზებაზე“ უარი უთხრა.

მკვლელობამდე კი, ბიჭი სანა იუსაფთან შეხვედრას ცდილობდა, თუმცა უშედეგოდ.

მათივე ინფორმაციით, ახალგაზრდა ტიკ-ტოკ ვარსკვლავის სახლში შეიჭრა, ორჯერ ესროლა, ტელეფონი მოჰპარა და გაიქცა.

როგორც მედიასაშუალება წერს, სანა იუსაფი სამედიცინო დაწესებულებაში გადაყვანამდე გარდაიცვალა.

სანა იუსაფს ინსტაგრამზე ნახევარი მილიონი გამომწერი, ხოლო ტიკ-ტოკზე მილიონზე მეტი გამომწერი ჰყავდა.