რამდენიმე დღის წინ აფრიკის თასის ფინალი კოტ დ'იუვარსა და ნიგერიას შორის გაიმართა, რომელიც მასპინძელმა ქვეყანამ 2-1 მოიგო.

მიუხედავად იმისა, რომ ვიქტორ ოსიმენი ნეაპოლისკენ გაფრინდა, მისი თამაში სერია A-ს მომდევნო ტურში მაინც საეჭვოა.

როგორც Spazionapoli წერს, ნაპოლისა და ნიგერიის ნაკრების სტრაიკერს ვირუსი აქვს და ნაკლებად სავარაუდოა, რომ ჯენოასთან ითამაშოს.

ცნობისთვის, ნაპოლისა და ჯენოას დაპირისპირება 17 თებერვალს გაიმართება, ბარსელონასთან კი მაცარის გუნდი 21 თებერვალს, 23:55-ზე ითამაშებს.